Teksa komenton luftën në Ukrainë, analisti politik, Skënder Minxhozi thotë se me hyrjen ushtarake në Ukrainë, presidenti rus, Vladimir Putin, kërkon të gjejë arsye për të zgjatur qëndrimin e tij në pushtet.
Lexo edhe: I dha goditjen e fortë Putin, Biden “merr masa”, mbledh Këshillin e Sigurisë Kombëtare
Analisti pohon në emisionin “Log” në ABC se Rusia ndihet e kërcënuar nga NATO dhe se mbajtja larg e NATO-s nga Ukraina është kusht i panegociueshëm për Putin.
Skënder Minxhozi: Pas 22 vitesh Putin ndjen nevojën për të shpikur një fabul për të zgjatur mbretërimin. Mendoj se një ndër arsyet e ofensivës është shembulli bjellorus ku u tentua të rrëzohej besniku i tij Lukashenko dhe se Bjellorusia po infektohej nga Ukraina dhe se po i binte elita e të besuarve. Besoj se kjo ishte për ti dhënë mësim bjellorusëve që kërkojnë të rrëzojnë Lukashenkon. Mbajtja larg e NATOS është kusht i panegociueshëm për Rusinë. Putin i sheh punët me rreze raketash, nëse Ukraina futet më NATO mendon se Rusia do jetë e pambrojtur nga sistemi raketor. NATO është kërcënim për Rusinë./abcnews.al/
