“Rusia është e gatshme për çdo skenar, por nuk dëshiron një përplasje të drejtpërdrejtë ushtarake me SHBA-në”.
Kështu u shpreh presidenti rus, Vladimir Putin, shkruan Tass.
“Ne jemi gjithmonë të gatshëm për çdo skenar, por askush nuk e dëshiron këtë dhe me iniciativën e palës amerikane dikur krijuam një mekanizëm të posaçëm për të parandaluar këto konflikte. Drejtuesit tanë të departamenteve të caktuara komunikojnë drejtpërdrejt me njëri-tjetrin, kanë mundësi të konsultohen për çdo situatë krize. Kjo tregon se askush nuk dëshiron përplasje,” u tha Putin gazetarëve.
Sipas palës ruse, që nga fillimi i këtij viti, aviacioni i koalicionit ndërkombëtar të udhëhequr nga SHBA ka bërë 23 afrime të rrezikshme ndaj avionëve të Forcave Ajrore Ruse në qiellin mbi Siri, ndërsa dronët kanë shkelur sigurinë e fluturimit në Siri 340. herë.
Vetëm më 27 korrik, avionët luftarakë të koalicionit antiterror pro-SHBA-së shkelën hapësirën ajrore siriane tetë herë./abcnews.al
