Vladimir Putin ka mbërritur në Uzbekistan për një samit ku marrin pjesë presidenti kinez Xi Jinping, kryeministri indian Narendra Modi dhe një numër liderësh të tjerë të vendeve aziatike dhe arabe, shkruan skynews.
Takimi i Organizatës së Bashkëpunimit të Shangait me tetë vende është një grup sigurie i formuar nga Pekini dhe Moska si një kundërpeshë ndaj ndikimit të SHBA-së. Samiti në qytetin e lashtë të Rrugës së Mëndafshit të Samarkandit është pjesë e udhëtimit të parë jashtë vendit të Xi që nga shpërthimi i pandemisë së koronavirusit dy vjet e gjysmë më parë dhe një nga të paktët e ndërmarrë nga Putin.
Putin dhe Xi do të takohen kokë më kokë dhe do të diskutojnë në lidhje me Ukrainën, sipas këshilltarit të presidentit rus për punët e jashtme. Modi dhe Xi do të takohen të premten për herë të parë që nga përplasjet vdekjeprurëse kufitare në vitin 2020 që prishën lidhjet midis rivalëve aziatikë.
Trupat nga ish-republikat sovjetike të Azisë Qendrore, Kirgistani dhe Taxhikistani u konfliktuan të mërkurën në një mosmarrëveshje mbi kufirin e tyre, thanë zyrtarët nga të dyja palët.
Të dy janë shtete anëtare të Organizatës së Bashkëpunimit të Shangait. Më shumë se 100 persona thuhet se janë vrarë si pasojë e luftimeve të ditëve të fundit midis Armenisë dhe Azerbajxhanit janë të dy partnerë të dialogut, të cilët do të marrin pjesë në samit.
/abcnews.al
