Vladimir Putin tha të martën se përpjekjet perëndimore për të “frenuar” rritjen e Kinës si një fuqi globale ishin të destinuara të dështojnë, ndërsa ai përshëndeti marrëdhëniet e mrekullueshme mes Moskës dhe Pekinit.
Presidenti rus tha se bashkëpunimi midis Rusisë dhe Kinës në fushat e sigurisë dhe mbrojtjes po lulëzon gjithashtu.
“Sot perëndimi po përpiqet të frenojë zhvillimin e Kinës, sepse sheh që Kina, nën udhëheqjen e mikut tonë (presidentit Xi Jinping) po zhvillohet me hapa të mëdhenj. Diçka e tillë i ka tronditur ata.
Ata po bëjnë gjithçka për të ngadalësuar zhvillimin e Kinës, por kjo nuk do të jetë e mundur, ata janë shumë vonë,” tha ai.
Moska është fokusuar gjithnjë e më shumë në rritjen e tregtisë, energjisë, lidhjeve ushtarake dhe të tjera me Kinën pas vendimit të saj për të nisur një pushtim të plotë të Ukrainës vitin e kaluar.
Kina ka refuzuar të fajësojë Moskën për luftën dhe ka dënuar sanksionet gjithëpërfshirëse perëndimore të vendosura ndaj Rusisë.
/abcnews.al
