“Ekonomia botërore po zhvendoset gradualisht drejt një modeli shumëpolar me disa qendra rritjeje”.
Kështu u shpreh presidenti rus, Vladimir Putin në seancën plenare të Javës Ruse të Energjisë, shkruan Tass.
Putin vuri në dukje rëndësinë e mbajtjes së një forumi ku ekspertë nga Rusia dhe vendet e huaja mund të diskutojnë së bashku tendencat dhe perspektivat e sektorit global të energjisë dhe të shkëmbejnë mendime rreth detyrave me të cilat përballet segmenti botëror i karburanteve dhe energjisë.
“Është veçanërisht e rëndësishme për momentin, kur ekonomia globale po kalon në një model multipolar me disa qendra rritjeje që funksionojnë, dhe vendi, roli dhe rëndësia e secilit vend përcaktohet nga mënyra se si ai i percepton këto procese të thella dhe të pakthyeshme”, theksoi ai.
Roli i vendeve do të përcaktohet gjithashtu nga efikasiteti i tyre në mbrojtjen e sovranitetit të tyre ekonomik, industrial dhe energjetik, vuri në dukje Putin./abcnews.al
