Prokuroria e Tiranës ka regjistruar procedim penal në lidhje me publikimin e listës së pagave me anë të një databaze që qarkullon prej dy ditësh në rrjet.
Burime bëjnë me dije për gazetarin e ABC Ermal Vija se procedimi është regjistruar për ”shpërdorim detyre” dhe ”ndërhyrje në sistemet kompjuterike”.
Lexo edhe: Skandali, zbulohet nga ka dalë lista e pagave të shqiptarëve
Mësohet se organi i akuzës ka dërguar grup hetimor për veprime në disa institucione, AKSHI, ISSH dhe Drejtoria e Tatimeve.
Prokuroria i ka kërkuar AKSHI-t të dorëzojë të dhënat kompjuterike të memorizuara në sistemin kompjuterik dhe konkretisht të të gjitha inspektorëve që janë loguar në sistemin e të dhënave për pagat në muajin Janar 2021. m.v/Abcnews.al
