Në botën e njohur dhe gjithnjë në zhvillim të Instagramit, ekziston një hapësirë private ku mund të ruani gjithçka që ju bën përshtypje. Por a keni menduar ndonjëherë se çfarë do të thotë ky zakon për ju?
Receta, modë, këshilla bukurie, këshilla për menaxhimin e stresit, dizajn të brendshëm dhe gjithçka tjetër që bie në sy. Instagram shpalos një botë që ju bën të dëshironi të qeshni, të qani, të frymëzoheni. Vërtet, sa herë e mbani mend veten duke shtypur “save”, duke parë një postim të tillë?
Mundësia për të ruajtur gjithçka që dëshironi në aplikacionin popullor nuk është e re, por ky buton i përket padyshim veçorive që janë diskutuar më pak deri më tani.
Që kur ky opsion u publikua për herë të parë në vitin 2017, ju lejon të ruani atë që ju intereson pa pasur nevojë ta publikoni, duke klikuar “like”. Ajo funksionon si “një hapësirë sekrete, në të cilën mund të kategorizoni postimet që keni mbajtur si koleksione, të cilat mund t’i shihni sa herë të doni”. Mundësia e ruajtjes u krijua në një përpjekje për të mbajtur diçka larg shikimit të publikut në botën “e zhurmshme” të shoqërisë. Për shumë, është procesi më i preferuar që ofron pak privatësi pa pasur nevojë për njoftim.
Sipas stilistes, “është një lloj tjetër ndërveprimi pasi është vendosur ekskluzivisht për përdorim personal”. Gjetjet e fundit madje tregojnë se përdoruesit shpenzojnë mesatarisht 28 minuta në ditë në Instagram dhe nuk të jep më përshtypjen se shumica e njerëzve i ruajnë në vend që të pëlqejnë postimet.
Nëse mendoni për këtë, Saves në Instagram janë si dollapi ynë. “Ata mbledhin një rrëmujë të gjërave që ne i duam, ose ndoshta nuk duam t’i shohim më. Por gjithsesi është miksimi ynë personal”, siç përmendet në shkrimin përkatës.
“Ruajtja në Instagram krijon një ndjenjë intimiteti që na ngre humorin, ul stresin dhe na bën të ndiejmë se kemi arritur diçka para se ta provojmë”.
Ruajtja që bëni në Instagram krijon një frymë nostalgjike, si Pinterest kur u publikua për herë të parë në 2010. Por ajo që ruajmë nuk është thjesht nostalgjike, pasi duam ta provojmë në të ardhmen dhe ky zakon është rritur shumë, veçanërisht në pandemi.
“Është si një ditar në internet që është i mbushur me postime që frymëzojnë dhe fuqizojnë. Si një thesar gjërash që na bëjnë të lumtur dhe duam t’i kujtojmë pikërisht sepse na bëjnë të ndihemi se jemi diçka” dhe kjo tregon se në një epokë të tillë diçka e tillë është më e nevojshme se kurrë për shëndetin tonë mendor.
“Like bëhet me nxitim por ruajtja zgjat”, shprehen ekspertët, duke kultivuar kujtime që ruhen në kohë. Ajo që ruajmë në thelb simbolizon një emocion, një përvojë ose diçka që duam ta përmbushim dhe ta mbajmë mend për një kohë të gjatë.
Vërtet, kur ishte hera e fundit që klikuat ‘ruaj’?/abcnews.al
