PSG mendon që ai nuk ndihet pjesë e projektit të tyre
Paris Saint-Germain ka rifilluar seancat stërvitore nën udhëheqjen e Luis Enrique, në qëndrën e tyre të re stërvitore në Poissy
Megjithatë, me një mungesë të dukshme të Kylian Mbappes, i cili është stërvitur ndarazi me lojtarët që janë në listën e transferëve.
Kjo do të thotë që ai më shumë gjasë nuk do të luajë këtë të shtunë kundër Lorient në Parkun e Princave.
Pse PSG po e përjashton Mbappen?
Klubi francez po e mban qëndrimin e tyre për ta përjashtuar yllin e tyre nga projekti i tyre.
Pikëpamja e PSG-së është se, për shkak të vendimit të Mbappes që ai të largohet si lojtar pa kontratë vitin e ardhshëm, pavarësisht se ai kishte shprehur gjëra të kundërta gjatë intervistave dhe bisedave të tyre gjatë tërë vitit, ai nuk dëshiron që të jetë pjesë e skuadrës së re të Luis Enrique.
PSG pohon se ky vendim mbetet i palekundur për shkak se rrethanat nuk kanë ndryshuar, pavarësisht se ata i kanë propozuar zgjidhje të ndryshme agjentëve të Mbappes.
Këto propozime madje kanë përfshiorë edhe një klauzolë shitje në fund të sezonit të tanishëm, por lojtari dhe përfaqësuesit e tij e kanë refuzuar atë.
Klubi beson që qëndrimi i palëkundur i Mbappes është i turbullt, pasi jo vetëm që ka prishur projektin e klubit por po ashtu nga ai po përfitojnë konkurrentët e drejtpërdrejt, pasi që në Katar besojnë fuqishëm që lojtari ka një marrëveshje që të kalojë në Real Madrid në qershorin e vitit 2024.
Në fakt, ka pakënaqësi brenda klubit në lidhje më këtë çështje dhe ata po mendojnë që të bëjnë një ankesë zyrtare në FIFA.
Strategjit e re e transferëve në PSG
Në diskutimet e tyre me rrethin e lojtarëve, PSG u ka kujtuar atyre që Mbappe vazhdimisht i është zotuar atyre, madje ka bërë tetë intervista se nuk do të largohet nga klubi pa para dhe as nuk do ta dëmtojë klubin.
Derisa situata e Mbappes mbetet e pazgjidhur, PSG mbetet aktive në merkato, duke u fokusuar kryesisht në futbollistë të ri francez.
Blerja e tyre e fundit është ajo e sulmuesi të Benficas, 22 vjeçarit, Goncalo Ramos me disa transfere të tjera që pritet po ashtu të ndodhin.
