James Middleton ndan një lidhje të ngushtë me kunatin e tij Princin William, por pranon se nuk e priti me krahë hapur kur filloi të dilte për herë të parë me motrën e tij Kate.
Biznesmeni 37-vjeçar kujton takimin me Princin William pasi ai dhe Kate filluan të takoheshin në universitet dhe shpesh shihej në banesën e familjes Middleton në Chelsea, Londër.
Duke shkruar në librin e tij të parë, ‘Meet Ella: The Dog Who Saved My Life’, James Middleton pranon: “Deri tani, William ka qenë në lidhje me Catherine për gjashtë vjet, kështu që unë e njoh atë mirë. Por mbaj mend që e vura në provë kur e takova për herë të parë. A e meritonte motra ime? Ai duhej të fitonte besimin tim.”
James Middleton pranon se ai ishte pak i rreptë me William kur u takuan për herë të parë, por ndan se princi u afrua shpejt me familjen Middleton.
James pati një rol kryesor në dasmën mbretërore të William dhe Kate në vitin 2011, me çiftin që i kërkoi atij të lexonte një pasazh nga Bibla. Ai kujtoi reagimin e tij fillestar, duke shkruar: “Mendja ime u kthye në shkollë dhe përpjekjet e mia të ngathta dhe jokoherente për të lexuar para klasës. Çfarë po mendonin? Unë jam disleksik, leximi është aktiviteti im më pak i preferuar” .
Ai shtoi: “Nëse motra ime dhe William donin këtë, atëherë sigurisht që do të bëja çmos që të mos i zhgënjeja”./abcnews.al
