Kryetari i Këshillit Bashkiak në Tiranë, Aldrin Dalipi në një lidhje direkte për “Tirana Live” ka dhënë detaje në lidhje me procesin e numërimit për këshilltarët bashkiak në Tiranë ku thekson se deri më tani duket se PS është kryesuese në të gjithë njësit.
Sipas tij ecuria ka qenë shumë e mirë dhe procesi ka qenë i qetë, do të presim numërimin deri në fund për të parë dhe sa mandate do të sigurojnë ato.
“Tani po presim përfundimin për subjektet ku janë numëruar pjesa më e madhe. Mendoj se rezultati për PS-së për këshilltare dhe për Erion Veliajn si kandidat është shumë i mirë dhe shkon me trendin e njësive të tjera. Ky rezultat që është pozitiv në të gjithë Tiranën përveç njësisë 7, na bën të ndihemi të përulur përballë tyre. Besoj shumë që të ketë një dialog politik për të çuar përpara punën e nisur, por PS i ka mandatet në shumicë për të vijuar me misionin tonë. Besoj se me 33 mandate që janë aktualisht është një shenjë e mirë për të marrë vendime, dhe pse ne jemi të hapur që të pranojmë këdo që na bashkohet në këtë rrugëtim ka thënë ai. Unë besoj se Këshilli bashkiak do të ketë një qasje shumë të mirë për qasjet”, ka thënë ai./abcnews.al
