Partia Socialiste ka bërë një tjetër deklaratë publike ku sulmon kryetarin e Partisë Demokratike Lulzim Basha. Sipas deputetes Elisa Spiropali, kunati i kryetarit demokrat ka përfituar 100 milion lekë nga 3 kompani.
“Sjellim një tjetër rast gjatë të njëjtës periudhë, kunati ka përfituar pothuajse 100 milionë lekë nga tre kompani të zotëruara prej grupit “Kastrati”. Kjo është vetëm maja e ajsbergut pasi firmat e kunatit, përfitojnë prej 10 vitesh një taksë të përvitshme prej këtij grupi. Për kunatin apo për Bashën, 100 milionë lekë apo 11 milionë euro të arkëtuara deri më tani nga perandoria e tij e gjobëvënies mbase janë pak, por sot kreu i opozitës duhet të përgjigjet përse kur Shefqet Kastrati paguan me qindra milionë lekë për kunatin ai është një sipërmarrës i ndershëm dhe i nderuar, ndërsa kur kryen punë publike duke hapur vende të reja pune ai qenka një oligark i kriminuar”, tha Spiropali./abcnews.al
