Drejtuesit e kamionëve të mallrave që kryenin interarin Vlorë-Brindisi prej më shumë se dy muaj kanë mbetur pa punë. Për shkak të pandemisë lëvizja e trageteve është ndërprerë.
Në mënyrë simbolike ata kanë dalë me mjetet e tyre përgjatë rrugëve të qytetit bregdetar për të dhënë këtë mesazh.
“Po i biem burieve që ta marrë vesh qeveria që kemi e ne kamionë, duam punë kemi njerëz për të ushqyer në shtëpi. Trageti i Durrësit punon, trageti i Vlorës nuk punon cila është arsyeja. Pse të mos punojë trageti i Vlorës”, thotë një shofer.
Një pjesë e tyre hera herës janë detyruar të përdorin Portin e Durrësit por thonë se kjo nuk është zgjidhje.
“Me Durrësin nuk ja dalim dot, duhet të vemë në Durrës të shkojmë në Bari”, shprehet një tjetër.
Shoferët e kamionëve paralajmërojnë se nëse nuk do të ketë reagim nga shteti për zgjidhjen e këtij problemi, ata do të përshkallëzojnë protestën. /abcnews.al
