Qytetarë të shumtë janë mbledhur para godinës së qeverisë në Shkup, duke protestuar kundër propozimit francez.
Mediat raportojnë se protestuesit janë futur në oborrin e qeverisë, pavarësisht, mbrojtëseve metalike dhe tentimit të policisë për t’i ndalur.
Kordoni i njësitit special është pozicionuar para dyerve të qeverisë, ndërkohë që protestuesit sillen vërdallë, duke vandalizuar oborrin e qeverisë.
Protestat kundër propozimit francez janë aktivizuar para disa ditëve kur dy palët, Maqedonia e Veriut dhe Bullgari, pranuan ndryshimet në propozimin e presidentit francez Emmanuel Macron për të përafruar qëndrimet për një marrëveshje trepalëshe për tejkalimin e problemeve bilaterale mes Maqedonisë dhe Bullgarisë.
Organizues të protestave këto ditë kanë qenë parti dhe grupacione opozitare.
