Kryebashkiaku Erion Veliaj tha sot nga Kavaja se kishte qenë në familjen e Klodian Rashës që u vra nga një efektiv policie 4 ditë më parë.
“Sot kam pasur një ditë, reflektimi teksa kalova kohë me familjen e Klodian Rashës, me babanë e tij fisnik dhe familjarët që më dhanë të njëjtin mesazh duke punuar me ecur përpara me mirësi, jo me dhunë dhe vandalizëm. Ka një kohë për të prishur, ka një kohë për të ndërtuar.
Shqipëria është vendi ynë, nuk shkon ta prishim. Nxjerrja e dufit justifikohet deri në një farë mase, kur hyn politika në mes prish drejtësia, parimet, harmonia në komunitet. Politizimi dhe dhuna për të avancuar kauzat politike nuk shkon. Drejtësi do të ketë. Nuk shkon që dikush fut hundët e partisë në zemëratën legjitime që mund të kenë njerëzit” tha ai./ db/Abcnews.al
