Loading ...
Mijëra njerëz u mblodhën në Tel Aviv mbrëmjen e së enjtes për të kërkuar një armëpushim në Gaza dhe paqe me palestinezët.
Protestat po zhvillohen përsëri në Izrael ndërsa zemërimi po rritet ndaj administratës së Netanyahut, e cila nuk ka arritur të lirojë robërit pavarësisht luftës shkatërruese, shkruan Al Jazeera.
Disa nga familjet e robërve ishin gjithashtu të pranishëm gjatë protestave, ku shumë demonstrues mbanin pankarta ku shkruhej “Paqja fillon me shpresë” dhe “Paqja është zgjidhja e vetme”.
“Njerëzit thonë se vetëm paqja do të sjellë siguri për Izraelin,” tha Teresa Bo e Al Jazeera, duke raportuar nga Tel Aviv. “Na thuhet se shumë nuk mbajnë flamuj palestinezë sepse kanë frikë se mund të arrestohen.”/abcnews.al
