Tifozët e Manchester United protestuan kundër pronarëve të klubit të dielën e kaluar. Të zemëruar me familjen Glazer për faktin që përfshiu United në klubet themeluese të Super League, tifozët pushtuan fushën e “Old Trafford”.
Derbi i Anglisë ndaj kampionëve në fuqi të Liverpool u shty, teska në lidhje me këtë çështje ka folur edhe Bruno Fernandez. Mesfushori ofensiv portugez, një nga lojtarët më të mirë të Solskjaer, rrëfen se po ndiqte sfidën Udinese-Juventus.
“Tifozët kanë të drejtë të shprehen dhe ata bënë atë që menduan se ishte e drejtë. Nuk është që kemi shumë për të thënë në lidhje me këtë temë. Ne mendojmë vetëm për të luajtur futboll dhe për të bërë më të mirën për United.
Unë ndodhesha në dhomën time dhe nuk dola fare. Po shihja ndeshjen Udinese-Juventus. Askush nuk doli nga hoteli, zbatuam urdhrat e forcave të sigurisë, që ishte qëndrimi në dhomat tona. Unë nuk pashë asnjë të dilte jashtë“, deklaroi Fernandes. /abcnews.al
