Gazetari Artur Nura, i ftuar në studion informative, komentoi protestën e fundit të mbajtur këtë pasdite nga opozita.
Sipas tij, ky është një konfirmim i strategjisë së gabuar nga PD. Sipas tij, PD duhet të krijojë një strategji bindëse për militantët e tij që ta mbështesin në protestë dhe së dyti për të bindur elektoratin tjetër.
“Besoj se sjell një konfirmim të një strategjie të gabuar të PD-së për të bindur elektoratin, sepse kemi nisur me fushatën elektorale edhe pse jo zyrtarisht, sepse duke i imponuar qytetarëve synimin e ke t’i bindësh të të mbështesin ty. Nuk po i bind, po i largon nga vetja sepse nuk ke pse të më ndalosh në një ditë me shi të shkoj në vendin ku dua të shkoj.
Më argumento pse nuk po shkon mirë kjo qeverisje. Fakti që Berisha mbledh nga të gjitha degët e PD nga e gjithë Shqipëria për të bërë protesta, është partia më e madhe, duhet t’i kishte njerëzit në kryeqytet. Nuk i ka në kryeqytet dhe artikulojnë pse nuk mbështesin. Duhet të ndërtojë një strategji bindëse që ata që i ka militantë, t’i dalin në protestë dhe e dyta të bind elektoratin tjetër pse duhet ta votojë, pse duhet të dalë në protestë. Berisha vazhdon të përballet me ligjin dhe kemi vetëm heqjen e arrestit, procesi penal është në vazhdimësi.” / abcnews.al
