Kërkesa dhe provat e Prokurorisë së Lezhës nuk kanë bindur gjykatën për fajësinë e Redion Hysës, i arrestuar për akuzen e vrasjes së efektivit Xhulio Prela.
Ai kishte mohuar vazhdimisht akuzat pasi u arrestua nga policia e Lezhës më 28 dhjetor 2020, së bashku me kushëririn e tij.
Ata akuzoheshin se kanë qëlluar me automatik në drejtim të karburantit, kamerat e të cilit kishin filmuar vrasjen e policit si dhe në rezervuarin e ujit që ndodhej mbi banesën e Redion Hysës, policia gjeti në kontrollin e tretë, një pistoletë e cila nga ekspertiza balistike, rezultoi se nga ajo armë ishte qëlluar në drejtim të policit Xhulio Prela.
Prokurori Erjon Shehaj ka bërë të ditur se do ta ankimojë vendimin e dhënë nga gjykata.
Në pretencën e saj, Prokuroria e Lezhës kishte kërkuar 20 vite burg për Redion Hysën, por nuk ishte i këtij mendimi trupa gjykuese e drejtuar nga Eva Hyskja./abcnews.al
