Loading ...Është ndarë nga jeta në mënyrë të papritur në moshën 64-vjeçare, gazetari dhe analisti i njohur në median shqiptare Artur Zheji.
Këtë të shtune ai ka qenë duke drekuar me familjen në një restorant në Sarandë, kur dyshohet se u godit nga një arrest kardiak. Zheji është transportuar me autoambulancë drejt urgjencës se spitalit të Sarandës, por mjeket konfirmuan se ka arritur aty pa jetë.
Artur Zheji ka një kontribut të gjatë si gazetar dhe opinionist në mediat shqiptare.
Prej shkurtit 2024 dhe deri në fund të muajit korrik të këtij viti, kur pati programin e fundit, ai drejtoi emisionin “360 Gradë” ne televizionin ABC News, një tryeze debati dhe analize për çështjet e ditës, zhvillime të rëndësishme të politikes dhe aktualitetit shqiptar si dhe për ngjarje të arenës ndërkombëtare.
Me herët Artur Zheji ka drejtuar emisione edhe në televizione të tjera shqiptare apo ka qenë pjesë e paneleve të analisteve ne studio televizive. Po ashtu Zheji për shumë vite ka shkruar si gazetar e publicist ne gazeta dhe media online si dhe ka mbajtur poste drejtuese në media.
Artur Zheji ishte djali i përkthyesit dhe shkrimtarit të njohur Petro Zheji dhe aktores Besa Imami.
/abcnews.al/
