Pasaporta, karta identiteti e patenta te falsifikuara ka sekuestruar policia gjate nje operacioni per goditjen e nje grupi te struktuar kriminal.
Krimi Ekonomik prej të paktën një viti kishte nisur hetimet për grupin kriminal që falsifikonin dokumentet amerikan, italiane e rumune.
Burime për ABC News thanë se dokumentet e falsifikuara prodhoheshin në Kosovë dhe më pas silleshin në Shqipëri ku dhe shiteshin. Pasaportat amerikane kushtonin deri në 3 mijë euro, ndërsa ato të BE shkonin nga 2 mijë deri në 2500 euro.
Ne pranga rane shtetasit Kushtrim Doksani, Kujtim Gilani, Getoar Luzha. Kujtim Duka, Leonard Basha dhe Erina Doksani.
Gjatë këtij operacioni, u sekuestruan me cilësinë e provës materiale:
-3 pasaporta dhe 3 karta identiteti amerikane;
-2 pasaporta, 2 karta identiteti dhe 1 leje drejtimi italiane,
-1 pasaportë dhe 1 leje drejtimi angleze;
-1 leje drejtimi rumune;
-1 kartë identiteti shqiptare.
Së bashku me dokumentet e dyshuara të falsifikuara u sekuestruan 7 celularë dhe 1 motomjet.
Nderkohe qe telefonar celular te sekuestruar po zberthehen per te verifikuar nese ka persona te tjere te perfshire ne kete grup kriminal./abcnews.al
