Avioni privat i yllit të Barcelonës, Leo Messi, mësohet të ketë bërë një ulje urgjente në aeroportin e Zaventem në Bruksel. Avioni është ulur këtë mëngjes në Belgjikë, menjëherë sapo u diktua një problem me rrotat e uljes.
Ende nuk dihet nëse argjentinasi ishte në bordin e avionit. Sipas “HLN”, avioni është nisur nga Tenerife në orën 9:10 të mëngjesit. 90 minuta më vonë ndodhi dhe ulja, ku u vendos të ulej në kryeqytetin belg.
Deri më tani aeroporti i Brukselit ka refuzuar të komentojë mbi këtë incident. Gjithsesi në orët e ardhshme pritet të mësohet më shumë mbi ngjarjen. /abcnews.al
