Kreu i Grupit Parlamentar i Partisë Socialiste, Taulant Balla ka mbërritur këtë mesditë në SPAK për të depozituar prova të reja në lidhje me privatizimin e kompleksit Partizani.
Lexo edhe: Balla: Privatizimi i kompleksit “Partizani”, sot prova të reja në SPAK
Lajmin e ka bërë të ditur vetë Balla, i cili përmes një postimi në rrjetin social Facebook, Balla deklaron se kush mendon se “kemi hequr dorë nga akuzat tona gjatë kohës kur ishim në opozitë, e ka shumë gabim.”
Gjithashtu Balla thekson se prej vitit 2012 dhe pa asnjë ndërprerje vit pas viti, ka denoncuar grabitjen e kompleksit Partizani, duke përvetësuar ndërtesat dhe fushat e futbollit mu në qendër të Tiranës.
Postimi i plotë i Taulant Ballës:
Kush mendon se kemi hequr dorë nga akuzat tona gjatë kohës kur ishim në opozitë, e ka shumë gabim. Prej vitit 2012 dhe pa asnjë ndërprerje vit pas viti, kam denoncuar grabitjen e kompleksit Partizani, duke përvetësuar ndërtesat dhe fushat e futbollit mu në qendër të Tiranës. Sot në SPAK depozitohen prova të reja të kësaj mega-grabitje. Kam shumë besim se Drejtësia e re do t’i shkojë deri në fund!
/abcnews.al/
