Një gjë është e sigurt, prindërit që ia lënë çdo gjë fatit dhe nuk bëjnë as përpjekjen më të vogël në edukimin e fëmijëve të tyre, ndoshta do të kenë fëmijë mesatarisht të suksesshëm (apo edhe më pak se kaq).
Por çfarë duhet të bëni që fëmija të jetë i përqendruar dhe të japë maksimumin nga potenciali i tyre? Ata duhet të kenë drejtim, disiplinë dhe këmbëngulje. Studimet kanë treguar se prindërit që kanë fëmijë së suksesshëm bëjnë këto gjëra:
Nëna është e lumtur
Tingëllon e çuditshme, por ka diçka në atë proverb të vjetër: “Grua e lumtur, jetë e lumtur”. Shkencëtarët kanë zbuluar se lumturia e nënës ishte dy herë më e rëndësishme se babait për mbijetesën e martesës. Gjithashtu, lumturia e nënës ishte dy herë më e rëndësishme për shëndetin mendor të një adoleshenti.
Ata janë një shembull i mirë për fëmijët
Le të shqyrtojmë se çfarë e ardhme i pret fëmijët që janë në gjendje të përballojnë të gjitha sfidat e mundshme me të cilat do të përballen. Studiuesit nga Universiteti i Pensilvanisë hulumtuan se sa ndikon tek fëmijët ajo që prindërit u thonë dhe sa i prekin fjalët si “këmbëngulja, zelli janë të rëndësishme në jetë”.
Studimi tregoi se fëmijët ishin këmbëngulës vetëm nëse prindërit e tyre tregonin gjithashtu se ishin të gatshëm të punonin shumë dhe theksonin qartë se sa e rëndësishme është të jesh këmbëngulës dhe të mos dorëzohesh, edhe kur situata bëhet e vështirë.
Ata janë të interesuar për atë që fëmijët e tyre mësojnë dhe bëjnë në shkollë
Shkencëtarët anglezë kryen një studim mbi lidhjen midis përfshirjes së prindërve rreth shkollës dhe arritjeve të fëmijës. Ata zbuluan se prindërit i ndihmojnë më së shumti fëmijët e tyre nëse u lexojnë në moshë të hershme, u mësojnë shkronjat dhe numrat, këngët, numrat dhe gjëegjëzat dhe tregojnë se sa e rëndësishme është leximi dhe mësimi.
I çojnë në shkollën e muzikës dhe i mësojnë të luajnë një instrument
Universitetet e Gjeorgjisë dhe Alabamës studiuan 2,323 prindër të fëmijëve të moshës 7 deri në 17 vjeç, të cilët aktualisht ndjekin klasa private të muzikës ose ndjekin shkolla muzikore. 85% e prindërve zbuluan se fëmijët e tyre u bënë më të durueshëm, më elastikë dhe kryesisht të përkushtuar në kryerjen e detyrave.
83 për qind besojnë se fëmijët janë bërë më të vetëdijshëm për veten, aftësitë e tyre dhe kanë kuptuar se performanca dhe rezultatet e tyre mund të përmirësohen. 71 për qind besojnë se fëmijët janë bërë më të mirë për shkak të udhëzimeve muzikore në përcaktimin se cilat detyra duhet të bëjnë më parë.
Prindërit i mësojnë se si të përqendrohen dhe të shmangin shpërqendrimet e ndryshme
Nir Eyal, një profesor në Universitetin e Stamfordit, i cili shkroi një libër se si të kontrolloni vëmendjen tuaj, beson se duke pasur parasysh ndërhyrjen e vazhdueshme dixhitale me dritat ose tingujt e mesazheve të ndryshme, sot është më e rëndësishme të udhëzoni fëmijët drejt që të zhvillojnë këtë aftësi për t’u përqendruar dhe të mos i nënshtrohen ndërhyrjeve të jashtme.
Dhe kjo është pikërisht ajo që prindërit ende nuk i mësojnë fëmijët e tyre. Është thelbësore që prindërit t’u shpjegojnë fëmijëve të tyre që herët pse është e rëndësishme të kufizohet koha përpara ekranit dhe më pas t’u jepet atyre autonomi për të zgjedhur dhe vendosur kufijtë e tyre. /abcnews.al
