Loading ...
KLGJ ka pezulluar nga detyra gjyqtaren e Gjykatës së Shkallës së Parë në Tiranë, Arnisa Këlliçi pasi u mor e pandehur për kallëzim të rremë, pas pretendimeve se ishte kërcënuar me jetë. Prokuroria e Tiranës njoftoi se gjyqtarja do të hetohet për veprën penale kallëzim i rremë dhe falsifikim dokumentesh.
Disa javë më parë, ajo pretendoi se kishte marrë një letër kërcënuese që i kishte mbërritur në zyrë nëpërmjet postës. Për këtë pretendim, gjyqtarja kërkoi dhe mori mbrojtje të posaçme nga Këshilli i Lartë Gjyqësor. Por sipas organit të akuzës, letra rezulton se është shkruar nga vetë gjyqtarja Këlliçi./abcnews.al
