Kryeministri Edi Rama ka kritikuar kryebashkikaët në një mbledhje me ta ditën e sotnem ndërsa është ndalur veçanërisht te Bashkia e Tropojës, për të cilën vuri në dukje problemet.
Rama tha se Tropoja ka probleme financiare dhe këtë ia adresoi adimistrimit dhe përgjegjsisë.
Kryeministri theksoi se bashkitë duhet të zhvillojnë potencialin e tyre ekonomik dhe sipas tij kjo bëhet vetëm me vullnet.
Kujtojmë që në krye të Bashkisë së Tropojës është Rexh Byberi. Socialisti është marrë nën hetim nga SPAK për shpërdorim detyre.
“Është e pamundur që problemet t’i akumulojmë e të presim të na i zgjidhë qeveria. Sot qytetet tuaja janë më të pastër seç ishin para se ne të merrnim një masë për të kushtëzuar kalimin e buxhetit me një financim të arsyeshëm e të bazuar në disa kritere të pastrimit. Kjo tregon që gjërat bëhen, ashtu sikundër po të shikojmë tabelën, 45 bashki nuk kanë probleme financiare. Kjo tregon se gjërat bëhen. Te këto 45 bashki unë pashë bashki të mëdha, të mesme dhe të vogla. Pashë Konispolin, bashki e vogël, që nuk ka mundësi të barabarta me një pjesë të bashkive, dhe nuk ka probleme financiare.
Ku ndryshon Konispoli nga Tropoja? Ku? Janë dy skaje. Pse Tropoja ka probleme financiare? Është çështje administrimit dhe e përgjegjësisë. Unë e kuptoj që ka akumulim nga e shkuara, por këtë gjë patëm edhe ne si qeveri, kur erdhëm në detyrë, që kishim gjithë ato borxhe. Si me pastrimin, e njëjta gjë vlen edhe me pastrimin e borxheve, nuk janë dy gjëra të ndryshme. Këtu në sallë janë disa partnerë dhe shoh me shumë kënaqësi drejtorin e zyrës së Bankës Botërore. Pse është këtu? Sepse gjithë ai institucion global financiar është në dispozicion, jo vetëm sa i përket parave, por edhe sa i përket dijes, për t’iu asistuar për cfarëdo që keni nevojë.
Tani si ta shpjegoj unë këtë, që qeveria bën një program të ri për fëmijët dhe për lëvizjen sportive dhe akoma sot që flasim, megjithëse kemi bërë dhe një mbledhje më parë, kemi bërë dhe kërkesa individuale, megjithëse ministrja është bërë si call center për të kërkuar prej jush, terren që ju keni në dispozicion për fëmijët dhe lëvizjet sportive. Çfarë duhet të më tregojë kjo? Po ju kërkoj që ne t’iu mbështesim financiarisht për t’i ndërtuar. Si t’ia bëjmë ne që në gjithë organizmin që po i bëjmë lëvizjes sportive në shkolla, që është e lidhur drejtpërdrejt me bashkitë, kur jo të gjithë e bëjnë. Pse nuk e bëjnë? Cfarë ka më të rëndësishme?
Ne besojmë që potenciali për të bërë aktivitet ekonomik, financiar, fitimprurës nga bashkitë është i gjithi aty dhe mosshfrytëzimi i këtij potenciali është i pajustifikueshëm. Duhet të hapim patjetër këtë kapitull, bashkitë duhet patjetër të zhvillojnë potencialin e tyre ekonomik-financiar-fitimprurës. Do vetëm vizion, vullnet, kaq”, u shpreh kryeministri Rama. /abcnews.al
