Vullnet Bugaqku nga Instituti Demokratik i Kosovës tha për ‘Ballkan Update’ se Gjykata Supreme ka të drejtë për të certifikuar rezultatin zgjedhor.
Ndërkohë për formimin e qeverisë, fillimisht duhet të themelohet Kuvendi dhe të zgjidhet kryetari i saj, kompetencë që i takon partisë fituese në rastin konkret Vetëvendosjes.
“Gjykata Supreme ka afat që brenda 5 ditëve të nxjerr një vendim dhe t’i jap zgjidhje kësaj kërkese. Është dhe një kandidat për deputet nga rradhët e Partia Demokratike e Kosovës që ka shfaqur pakënaqësi dhe i është drejtuar Gjykatës Supreme.
Presidentja ka të drejtë të nis konsultimet me partinë fituese për fillimin e konsultimeve për formimin e qeverisë. Së pari duhet të themelohet Kuvendi, të zgjidhet kryetari dhe nënkryetari atëherë niset me përzgjedhjen e qeverisë.
Sipas kushtetutës, e drejta për të propozuar kryetarin të kuvendit i takon grupit parlamentar që ka dalë nga zgjedhjet pra lëvizje Vetëvendosje.”
