Loading ...Presidenti Bajram Begaj është takuar me Sekretarin e Përgjithshëm të Organizates se Kombeve te Bashkuara Antonio Guterres, gjatë qëndrimit të tij në New York, SHBA, në kuadër të punimeve të Sesionit të 80-të të Asamblesë së Përgjithshme.
Begaj shprehet se biseda me Guterres ishte miqësore dhe u përqendrua në rolin e Shqipërisë në ruajtjen e paqes dhe sigurisë, nxitjen e zhvillimit të qëndrueshëm dhe mbrojtjen e të drejtave të njeriut.
“Kënaqësi të ritakohem me Sekretarin e Përgjithshëm të OKB-së, Antonio Guterres, në kuadër të punimeve të Sesionit të 80-të të Asamblesë së Përgjithshme të Kombeve të Bashkuara. Biseda miqësore u përqendrua në rolin aktiv të Shqipërisë në ruajtjen e paqes dhe sigurisë, nxitjen e zhvillimit të qëndrueshëm dhe mbrojtjen e të drejtave të njeriut. I shpreha mirënjohjen Sekretarit të Përgjithshëm Guterres për lidershipin e tij gjatë këtyre kohëve sfiduese për Organizatën dhe multilateralizmin”.
Shqipëria përfaqësohet në Asamblenë e Përgjithshme te OKB nga Presidenti i Republikës, Bajram Begaj si dhe ministrja për Europën dhe Punët e Jashtme, Elisa Spiropali. Shqipëria ka theksuar angazhimin e saj për paqe, siguri, zhvillim të qëndrueshëm dhe të drejtave të njeriut.
/abcnews.al/
