Tifozët e shumtë të Premier League, do të presin edhe pak për të shijuar në aksion skuadrat e tyre të zemrës. Data 17 qershor është zgjedhur për rifillimin e kampionatit anglez, teksa është dhënë leja zyrtare për kryerjen e stërvitjeve të plota.
Autoritetet shtetërore kanë dhënë “OK” për rifillimin e stërvitjeve të plota, duke filluar nga data 1 qershor. Vendimi u konfirmua nga Ministri i Kulturës dhe Sporteve, Oliver Dowden. Sot kanë dalë edhe përgjigjet e testeve të radhës ndaj koronavirusit.
1130 futbollistë dhe pjesëtare të stafeve teknike të Premier League, i janë nënshtruar kontrolleve mjekësore ditën e enjte dhe të premte. Për fat të mirë, nuk ka asnjë rast pozitiv. Një lajm i mirë dhe të gjithë po përgatiten për rifillimin e kampionatit. /abcnews.al
OFFICIAL: The Premier League have announced 1130 players and club staff were tested for COVID-19 on Thursday 28 May and Friday 29 May.
Of these, zero have tested positive. pic.twitter.com/I6ElWRM8Jf
— Squawka News (@SquawkaNews) May 30, 2020
