Al Nassr duket se nuk e ka përfunduar pazarin në Europë, konkretisht tek Interi.
Pas zyrtarizimit të mesfushorit kroat, Marcelo Brozovic, tashmë klubi saudit ka shfaqur interes edhe për portierin fantastik kamerunas, Andre Onana. Në fakt, klubi në të cilin luan Cristiano Ronaldo, ka bërë një ofertë për portierin e tretë të Interit, Alex Cordaz dhe raportohet se është pothuajse e kryer.
Por duket se nuk mjaftohen me portierin veteran, pasi tashmë sipas “CBS Soccer”, Al Nassr ka shfaqur interesim serioz për Onana. Mediumi në fjalë raporton se për Interin është gati një ofertë tunduese me qëllim që zikaltërit ta lejojnë kamerunasin të largohet.
Prej kohësh, Manchester United ka qenë në bisedime me Interin për shërbimet e Andre Onana, madje ka pasur edhe oferta zyrtare, por duket se Inter ende nuk është bindur nga “pjata” e klubit anglez./h.ll/abcnews.al
