Edhe në puntatën e sotme të Edicionit Veror, gazetari Eni Shehu solli prapaskenat më pikante të natës së dytë të “Sunny Hill Festival”, ku yjet e hip-hopit pushtuan skenën.
Ishin me mijëra të rinjtë që u çmendën nga shfaqja e artistëve më të kërkuar të momentit, përfshi yllin mikpritës të festivalit Dua Lipa, e cila shijoi si publik këtë natë kolegët e saj të skenës shqiptare.
Për herë të parë pas 18 vitesh larg Kosovës, në skenën e festivalit që po mbahet këtë fundjavë në Prishtinë, performoi reperi nga Drenica, Gashi, i cili ka nënshkruar kontratë me kompaninë muzikorë të Jay Z.
Një tjetër emër kryesues i “Sunny Hill Festival”, Action Bronson apo Arjan Asllani elektrizoi atmosferën duke dhuruar një spektakël të jashtëzakonshëm. /abcnews.al
