Partizani pret në “Selman Stermasi” ekipin e Skënderbeut, në ndeshjen e fundit të javës së 27-të në Superiore. Para fillimit të kësaj sfide, dy skuadrat kanë mbajtur një minutë heshtje për Dorian Tahirllarin.
18 vjeçari u nda nga jeta pak ditë më parë, duke humbur betejën me sëmundjen. Një lajm tragjik për futbollin shqiptar ishte ndarja nga jeta e talentit të moshave të Skënderbeut.
Tahirllari arriti të luante me Skënderbeun U17 dhe ëndrra e tij e madhe ishte të aktivizohej me ekipin e parë. Atë ai nuk e realizoi kurrë, duke ikur e lënë të pikëlluar miqtë, familjarët dhe shumë njerëz të tjerë që u njohën me historinë e tij./abcnews.al
