Shqipëria U-17 ka nisur sot rrugëtimin e kualifikuesve të Euro U-17. Kuqezinjtë e vegjël janë ndeshur me moshatarët e Portugalisë dhe janë mposhtur me rezultatin 4-0. Luzitanët ishin shumë të fortë për kombëtaren tonë dhe shënuan nga dy gola për çdo pjesë.
Fereira në minutën e 26-të i dha avantazhin Portugalisë, ndërsa 10 minuta më vonë, Nabian çoi shifrat në 2-0. Me këtë rezultat, u mbyll dhe pjesa e parë. Në pjesën e dytë, Portugalia arriti të shënojë dhe dy herë të tjera.
Në minutën e 53-të, Fernandes çoi shifrat në 3-0, ndërsa golin final të sfidës, e shënoi Gomes, në minutën e 87-të. Me këtë fitore, Portugalia merr kreun e grupit me 3 pikë dhe +4 golaverazh, ndërsa Shqipëria renditet në vend të fundit./abcnews.al
Euro U-17
Portugali – Shqipëri 4-0
Fereira 26’, Nabian 36’, Fernandes 53’, Gomes 87’
