Është hapur gara për ndërtimin e portit të ri në Porto Romano, një nga projektet më të rëndësishme strategjike për ne dhe rajonin.
Diplomati Blerim Canaj në një intervistë në emisionin “Ballkan Update”, në ABC News, u shpreh se kjo tregon se tashmë Shqipëria ka arritur faktorizimin e saj në të gjithë rajonin.
Tregon faktorizimin e Shqipërisë në rajon dhe nuk ka si të mos jetë një lajm i mirë, sigurisht kur edhe shqiptarët e mirëpresin.
Gjithashtu gjatë kësaj interviste, Canaj foli edhe për zgjedhjet në Kosovë, duke u ndalur edhe tek takimi i thirrur nga Presidentja Vjosa Osmani, me liderët e partive politike duke thënë se është një takim i thirrur konform të gjitha rregullave.
“Presidentja Osmani ka obligim të thërrasë partitë dhe të diskutojë për zgjedhjet. Por nga ana tjetër veprimet e Kurtit nuk i besoj sepse po të dëshironte që të mbante zgjedhjet do të vepronte ndryshe”, ka thënë ndër të tjera ai.
Sipas tij ka një “këputje”, sa i përket marrëdhënieve mes presidentes Vjosa Osmani dhe kryeministrit të Kosovës, Albin Kurti. Gjithashtu u shpreh se data e zgjedhjeve nuk favorizon asnjë nga palët.
/abcnews.al/
