Vrasje me armë në burgun e Sigurisë së Lartë të Peqinit. Këtë të premte (15.12.2023) i dënuari me burgim të përjetshëm, Sokol Mjacaj është konfliktuar me dy të dënuar të tjerë Indrit Shaqja dhe Arben Lleshi dhe ka qëlluar me armë zjarri.
I dënuar Arben Lleshi u raportua se ka humbur jetën. Forcat RENEA dhe specialja kanë zbarkuar në burgun e Peqinit.
Sipas informacioneve paraprake, dyshohet se konflikti i nisur mund të jetë si pasojë e një tentative arratisjeje, por mbeten edhe dyshimet për një vrasje të porositur.
Sakaq u raportua se arma e zjarrit dyshohet se është futur me dron në burgun e Sigurisë së Lartë të Peqinit.
/abcnews.al/
