Varshava po kërkon të negociojë për blerjen e 22 helikopterëve AW101 si pjesë e planeve për të modernizuar forcat e saj të armatosura.
Vendi ka kërkuar të forcojë mbrojtjen e tij për shkak të luftës në Ukrainën fqinje dhe planifikon të shpenzojë rreth 4% të prodhimit të brendshëm bruto për mbrojtje këtë vit, shkruan Sky News.
Ministri i mbrojtjes i Polonisë tha se ata po përpiqen të blejnë helikopterët nga PZL-Swidnik, njësia polake e grupit të mbrojtjes dhe hapësirës ajrore të kontrolluar nga shteti italian Leonardo.
“Një tjetër lajm i mirë për Forcat e Sulmit Ajror,” u shpreh ministri i Mbrojtjes, Mariusz Blaszczak.
“Sot dërguam një ftesë për negociata për dorëzimin e 22 helikopterëve me shumë role AW101, të cilët së shpejti do të zëvendësojnë modelet post-sovjetike”, shtoi ai./abcnews.al
