Një dëshmi e re për zhdukjen e 19 vjeçares shqiptarë në Greqi ka alarmuar sërish policinë greke.
Një dëshmitar i cili bisedoi me Aggeliki Nikolouli(gazetare), pretendon se e pa Artemisin pak para se të arratisej pas një kontrolli në një zonë të caktuar në prani të një prokurori.
“Policia e Omonia e di shumë mirë se ku është Artemis. Ditën që prokurori u largua, ata u larguan nga dera e pasme. Ata u zhdukën … Ajo ndodhej në Iasonos në Metaxourgeio. “Ata e kanë marrë atë.” tha ai.
Policia ka rifilluar kërkimet në zonë, por pa rezultat.
Çfarë ndodhi pak para se 19 vjeçarja të zhdukej?
Shoqja e ngushtë e personit të zhdukur raportoi për një incident që ndodhi në korrik dhe mund të ketë të bëjë me zhdukjen e saj.
“Një ditë në verë, prindërit e saj po e kërkonin sepse ajo ishte zhdukur me orë të tëra. Ajo më kishte thënë se do të shkonte në Varkizë për të notuar. Unë nuk e besova, megjithatë kisha shumë skenarë në mendjen time. “Kisha frikë se i kishte ndodhur diçka e keqe “, tha ajo.
Miq të tjerë të Artemisit thonë se zona e Varkizës, duhet të jetë një pikë kryesore ku policia duhet të përqendrohet pasi ajo shkonte shumë shpesh atje për tu qetësuar.
Ditën kur ajo u zhduk, disa dëshmitarë e kishin parë duke pritur në stacionin e Atikës në Koropi. Aty kalojnë autobusët që shkojnë për në Glyfada dhe Vari.
Banorët zonës që e njihnin atë, ishin të gatshëm të ndihmonin në gjetjen e pistave të reja për zhdukjen e 16 vjeçares. Disa prej tyre kishin kamera por askush nuk filloi hetimin për të parë momentet e regjistruara.
“Autobusi që Artemis duhej të merrte kaloi, megjithatë ajo nuk hipi në të, kështu që po priste dikë” , theksoi vëllai i saj.
Një tjetër dëshmitar e pa Artemisën ditën që u zhduk.
” Ajo ishte vetëm, më pyeti se ku duhej të drejtohej për të shkuar në Atikë dhe unë i thashë se ku të shkonte. Ajo dukej në gjendje të mirë, ishte e buzëqeshur, nuk vura asgjë të çuditshme në sjelljen e saj.
Ndërkohë vëllai i saj, 19 vjeçar i pikëlluar për zhdukjen e së motrës tha se do të vazhdojnë kërkimet derisa të gjejnë vendndodhjen e saj.
Duke iu drejtuar asaj nëse e sheh, ai tha :”Mos e humb shpresën, unë do të të gjej”./abcnews.al
