Loading ...
Specialistët e Xhenios kanë nisur aksionin për zhbllokimin e aksit rrugor Uji i Zi – Tozhar, në territorin e Bashkisë Poliçan.
Paralelisht, vijon angazhimi i Forcave te Armatosura në terren për kërkimin e trupit të personit të humbur pranë kanioneve të Skraparit.
Në këtë operacion janë përfshirë, Regjimenti i Poshnjes, me 12 efektivë, 2 mjete dhe 2 varka dhe Regjimenti i Operacioneve Speciale (ROS), Tiranë, me 12 efektivë, të pajisur me dron për kërkim dhe vëzhgim ajror.
Forcat e Armatosura po veprojnë në koordinim të plotë, duke shfrytëzuar të gjitha kapacitetet njerëzore dhe teknike, me qëllim përballimin e situatës dhe përfundimin me sukses të operacionit.
