Ish-mbrojtësi i Manchester United dhe analisti i BT Sport, Rio Ferdinand, vazhdon të flasë për mesfushorin francez të “Djajve të Kuq”, Paul Pogba.
Për të ardhmen e Pogba, Rio Ferdinand tha: “Mendoj se është një bisedë që duhet bërë mes Pogbas dhe drejtuesve të Manchester United. A dëshiron të largohet, të qëndrojë, si është plani i tij? Kur gjithçka të komunikohet mes palëve, atëherë mund të mendohet për një plan afatgjatë.
Nuk mund të ndërtohet skuadra rreth Paul Pogba, jo në këto rrethana”, tha ish-mbrojtësi. Ferdinand shpeshherë e ka mbrojtur kampionin e botës, por në këtë situatë ku ndodhet francezi, duket se dhe legjenda e United ka dalë kundër tij./abcnews.al
