Trajneri i Chelsea, Mauricio Pochettino ndau mendimin e tij për perspektivat e sulmuesit Armando Broja.
Futbollisti shqiptar humbi një pjesë të konsiderueshme të sezonit të kaluar për shkak të një dëmtimi të ligamenteve të kryqëzuara. Sipas thashethemeve, Milani italian dhe Roma po tregojnë interes për sulmuesin 21-vjeçar, por Chelsea nuk dëshiron ta lërë lojtarin të largohet.
“Ne po shikojmë të gjitha opsionet e disponueshme në tregun e transferimeve, por po shikojmë edhe ato në skuadrën tonë, përfshirë Brojën. Ne e dimë shumë mirë se çfarë është i aftë dhe e dimë se ai mund të jetë shumë i rëndësishëm për Chelsea. Duhet të jemi të durueshëm dhe të presim derisa ai të jetë në formën optimale”, tha trajneri argjentinas në një konferencë për shtyp. /G.D abcnews.al/
