Loading ...
Policia Kufitare në Morinë, ka arrestuar një 31-vjeçari, pasi ishte duke transportuar me automjet 7 emigrantë në mënyrë të paligjshme, për të kaluar kufirin.
Arrestohet edhe drejtuesja e automjetit shoqërues, që kontrollonte rrugën për shmangien e shërbimeve policore. Policia sekuestroi 2 automjete, një sasi euro dhe një sasi parash.
“Si rezultat i operacionit, u arrestuan shtetaset: F. B., 31 vjeçe, dhe Xh. C., 22 vjeçe, banuese në Tiranë.
Shtetasja F. B. u kap në flagrancë nga shërbimet e Policisë Kufitare, në fshatin Morinë, duke transportuar me automjetin e saj 7 emigrantë të paligjshëm, të cilët do t’i ndihmonte të kalonin në mënyrë të paligjshme kufirin me Kosovën, kundrejt fitimit. Ndërsa shtetasja Xh. C., me automjetin e saj, e shoqëronte dhe kontrollonte rrugën për të shmangur kontrollet e Policisë”, njofton policia.
Materialet iu referuan Prokurorisë, për veprime të mëtejshme.
