“Po thuhen gjëra të pavërteta”, Hoti: Në dialog me Serbinë kemi hyrë me parime të qarta

schedule10:11 - 14 Janar, 2021

schedule 10:11 - 14 Janar, 2021

Kryeministri i Kosovës, Avdullah Hoti ka reaguar për diskutimet e fundit rreth dialogut Kosovë-Serbi.

Hoti shkruan se dialogu Kosovë-Serbi ka hyrë me parime të qarta, ndërsa shkruan nuk ka asosacion me kompetenca ekzekutive dhe se marrëveshja finale duhet të përfshijë njohjen reciproke ndërmjet dy vendeve.

Statusi:

Lidhur me qasjen time dhe të Qeverisë e Republikës së Kosovës në raport me procesin e dialogut po thuhen gjëra të pavërteta, prandaj dua të sqaroj:

Ne kemi hyrë në dialog me Serbinë mbi parime të qarta:

– Udhërrëfyes ka qenë dhe mbetet Kushtetuta e Kosovës.

– Integriteti territorial i Kosovës është i panegociueshëm.

– Organizimi kushtetues i Kosovës nuk preket.

– Nuk ka asociacion me kompetenca ekzekutive.

– Marrëveshja finale duhet të përfshijë njohjen reciproke ndërmjet dy vendeve.

Këto parime janë mbështetur edhe nga partnerët tanë. Nuk do të ketë lëvizje nga këto parime.

/abcnews.al/