Një grua me origjinë shqiptare së bashku me djalin e saj u rrëmbyen të enjten në mëngjes në Meckenheim të Gjermanisë, ndërsa ende nuk ka asnjë gjurmë prej tyre pavarësisht kërkimeve nga autoritetet.
Nasibe K. 34-vjeçe dhe djali i saj 3 vjeç Ben mëngjesin e së enjtes ishin duke pritur autobusin në stacionin përpara shtëpisë, kur përpara tyre ndalon një makinë tip “Audi” e bardhë dhe dy persona dalin me shpejtësi duke i tërhequr dhe futur me dhunë brenda.
Qytetarët e tjerë që ishin në stacion kanë rrëfyer se panë dhe dëgjuan gruan që të bërtiste, ndërsa nga ai moment nuk ka më asnjë gjurmë.
Gazeta gjermane “Bild” shkruan se dyshimet e autoriteteve kanë qenë mbi burrin, Blerim K. nga i cili ishin larguar njëherë nga shtëpia pas debateve. Policia e shoqëroi shqiptarin, por sot e la të lirë. d.b/Abcnews.al
