Një 37 vjeçar egjyptian është prioceduar penalisht nga policia pasi tentoi të dilte me një shumë të madhe të hollash të padeklaruara.
Sipas policisë mësohet se gjatë kontrollit fizik, këtij shtetasi iu gjetën të fshehura në trup dhe në çantë, 16 000 dollarë dhe 2000 euro, para të cilat tentonte t’i nxirrte nga vendi ynë, pa i deklaruar në pikën e kalimit kufitar.
Në cilësinë e provës materiale është bërë sekuestrii i parave që kishte 37-vjeçari.
“Goditet një tjetër rast i mosdeklarimit të shumave të konsiderueshme të të hollave, në pikën e kalimit kufitar.
Sekuestrohen 16 000 dollarë dhe 2000 euro të padeklaruara konform ligjeve në fuqi.
Procedohet penalisht 37-vjeçari nga Egjipti, i cili tentoi t’i nxirrte paratë nga vendi ynë, duke i fshehur në trup dhe në çantë.
Shërbimet e Policisë Kufitare të Rinasit, në kuadër të kontrolleve në hyrje/dalje, të bazuara në analizën e riskut, me fokus parandalimin dhe goditjen e paligjshmërive në kufi, në dalje të Republikës së Shqipërisë, kanë kaluar në vijën e dytë, për kontroll të imtësishëm, shtetasin nga Egjipti, H. A.
Gjatë kontrollit fizik, këtij shtetasi iu gjetën të fshehura në trup dhe në çantë, 16 000 dollarë dhe 2000 euro, para të cilat tentonte t’i nxirrte nga vendi ynë, pa i deklaruar në pikën e kalimit kufitar.
Në vijim të veprimeve procedurale për këtë rast, strukturat hetimore të DVP Tiranë referuan materialet në Prokurori dhe nisi procedimi në gjendje të lirë për shtetasin H. A., 37 vjeç, banues në Egjipt.
Shuma e parave iu sekuestrua 37-vjeçarit, në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, thuhet në njoftimin e policisë./abcnews.al
