Loading ...TIRANË- Gjykata e Posaçme miratoi kërkesën e SPAK të vendoste në dispozicion të avokatëve dëshmitë e Nuredin Damit dhe të Erion Alibejt vetëm për dëshmitë që janë objekt gjykimi tek dosja “Plumbi i Artë”.
Ndërsa rrëzoi kërkesën e avokatëve që të viheshin në dispozicion dëshmitë e plota edhe për ngjarje të tjera.
Ky vendim i gjykatës ngjalli reagimin e tre avokatëve Gentian Rumano, që mbron Henrik Hoxhen , Elda Zotaj dhe Aldo Shkëmbi që mbrojnë Altin Ndocin, të cilët kërkuan përjashtimin e të gjithë trupës gjykuese dhe ndërprerjen e procesit derisa një gjyqtar tjetër të marrë vendimin për kërkesën e tyre.
Me këtë kërkesë nuk u bashkuan të gjithë avokatët ku një pjesë e tyre kërkuan vijimin e gjykimi, për shkak se në disa seanca me radhë, procesi nuk është zhvilluar.
Seanca pati debate mes prokurorit Behar Dibra e avokatit Gentian Rumano, dhe ky i fundit la sallën e gjyqit në mënyrë demonstrative duke bërë që seanca të shtyhej për në datë 15 korrik./abcnews.al
