Ka përfunduar pa gola pjesa e parë e ndeshjes së dytë gjysmëfinale mes Paris Saint-Germain dhe Dortmundit në Champions League.
Dy skuadrat e nisën përballjen me një kujdes, duke pritur gabimin e njëra-tjetrës, por që një gjë e tillë nuk ndodhi.
Rastin e parë serioz në ndeshje e krijoi Dortmundi, kur rrezikoi me anë të Julian Ryerson në minutën e 19-të, por që goditja e tij shkoi ngjitur me shtyllën e djathtë.
PSG mundohej të gjente hapësira në mbrojtjen e mysafirëve me Kylian Mbappen dhe Dembelen, mirëpo dyshja nuk ishte efektive.
Dortmundi lëshoi një tjetër rast shënimi, tani nëpërmjet Karim Adyemit, që lëshoi një goditje të fuqishme në minutën e 35-të, por Gianluigi Donnarumma ishte në vend.
Me gjasa në pjesën e dytë do të ketë së paku një gol, duke ditur se PSG e ka humbur ndeshjen e parë në Gjermani me rezultat 1-0 dhe do shpresojnë që ta dërgojë ndeshjen së paku në shtesa./h.ll/abcnews.al
