Një shtetas irakian 18-vjeç u arrestua në Vjenë në lidhje me hetimet mbi një komplot të dyshuar për një sulm terrorist në një koncert të Taylor Swift në kryeqytetin austriak, tha të premten ministria e brendshme.
Ai kishte bashkëpunuar me të dyshuarin kryesor, një 19-vjeçar austriak me origjinë nga Maqedonia e Veriut, sipas ministrisë.
I dyshuari kryesor, i cili ishte zotuar për besnikëri ndaj Shtetit Islamik (IS), po planifikonte një sulm vdekjeprurës mes rreth 20,000 fanasave që do të mblidheshin jashtë stadiumit Ernst Happel të Vjenës.
Diva amerikane kishte planifikuar koncerte në Vjenë të enjten, të premten dhe të shtunën. Të tre u anuluan për arsye sigurie. Dy të rinj të tjerë austriakë të moshës 17 dhe 15 vjeç u arrestuan të mërkurën.
I dyshuari irakian raportohet se është betuar për besnikëri ndaj IS më 6 gusht, por mbetet e paqartë nëse ai kishte ndonjë lidhje me sulmin e planifikuar.
/abcnews.al
