Zëvendës ministri i Bujqësisë dhe Zhvillimit Rural, Enio Civici thotë plani i rritjes i Bashkimit Evropian, ndihmon edhe agoturizmin, ku përmes projekteve, ky sektor mund të zhvillohet.
Në emisionin “Sheshi i Dollarit” në ABC News, Civici u shpreh se agroturizmi është një shtyllë e pazëvendësueshme.
“Patjetër, është. Nuk e caktojmë ne. Agroturizmi është shtyllë e pazëvendësueshme. Është njësia që përmbledh të gjithë punët e bujqësisë dhe blegtorisë aty afër, duhet të jetë. Në shumicën e vendeve ku operon, Ausatri, Itali, Spanjë, disa vende të jugut të Francës, është motori i asaj zone rurale ku funksionon. Ble produktet, afron njerëzit, sjell investimet, sjell dije, promovon kulturën, mban indentitetin gjallë. Unë nuk di nëse ka një njësi biznesi nëse i bën të gjitha këto njëkohësisht, Përveç agroturizmit”, theksoi ai./abcnews.al
