Loading ...
Ibsen Elezi është shprehur kritik ndaj figurës së Gazment Bardhit duke thënë se nuk prodhon asgjë për qytetarët.
Gjatë një intervists në “News Line” në ABC News, ish-kandidati për kryetar të PD-së, theksoi se nëse arrin situata që Bardhi të marrë në dorë lidershipin e PD, kjo nuk do të ishte asgjë tjetër veçse një tallje me demokratët.
“Lojërat në Parlament me grupin e deputetëve dhe Gaz Bardhit nuk prodhon asgjë për opinionin publik. Kemi përplasjet e vazhdueshme dhe akuzat e Bardhit që hodhi në drejtim të Berishës dhe sot t’i japësh në dorë lidershipin është sot një tallje. Demokracia nuk është shkencë ekzakte, mesa duket po projektojnë Bardhin si pasardhës i Berishës, dhe kjo është një zgjedhje apo lëvizje shumë e keqe. Dhe ky është një plan për ta shkatërruar Partinë Demokratike dhe kjo është e turpshme, por edhe e rëndë për demokracinë shqiptare. Këta po e tregojnë qartë që të vetmet plane që kanë është shkatërrimi i PD-së”, shtoi Elezi.
/abcnews.al/
