Një 22-vjeçar shqiptar është plagosur me thikë mbrëmjen e së martës në Diano Marina, në provincën e Imperia, Liguria.
I riu me inicialet B.A mësohet se ndodhet në gjendje të rëndë për jetën.
Sipas mediave italiane 22 vjeçari u përfshi në një zënkë me një tjetër person dhe ky i fundit e ka goditur shqiptarin me thikë në bark. Ai u dërgua me urgjencë në spital dhe ndodhet nën kujdesin e mjekëve.
Ende nuk janë të qarta rrethanat e kësaj ngjarjeje, por karabinierët mësohet se kanë identifikuar autorin dhe po punojnë për kapjen e tij./abcnews.al
