Besëlidhja është befasuar në 45 minutat e para në ndeshjen kundër Dinamos në transfertë. Lezhjanët, edhe pse pretendentë për t’u ngjitur në Superiore, nuk ia kanë dalë të realizojnë në portën e bluve, që nga ana tjetër kanë qenë më konkretë.
Hysa fillimisht dhe më pas Pontreli ndëshkuan Besëlidhjen, që do ta ketë të vështirë në fraksionin e dytë të lojës kur rezultati ka shkuar 2-0. Lezhjanët mund t’i gëzohen faktit që Kastrioti nuk po fiton. Krutanët luajnë në Shijak me Erzenin dhe pjesa e parë është mbyllur 0-0.
Akoma nuk ka asnjë gol as në Peshkopi, ku po përballen Korabi dhe Egnatia. Veleçiku po feston për momentin, pasi ka shënuar në portën e Burrelit që në minutën e tretë dhe e ka ruajtur epërsinë në 45 minutat e para të takimit.
KATEGORIA E PARË – JAVA 17
E shtunë, më 22 shkurt, ora 14:00
Erzeni-Kastrioti 0-0
Dinamo-Besëlidhja 2-0
Shënues: Hysa 18′, Pontreli 43′
Burreli-Veleçiku 0-1
Shënues: Ujkaj 3′
Korabi-Egnatia 0-0
